Startseite

Gedichte

Mys Trachtegwand
Mier gfauts guet i üsem Ländli
und am Bruuchtum wo mir hei
drum zeig ii im Trachtegwändli
Schwzerland i bi dir tröi!

Es git Lüt wo drüber lache
wenn ich i der Tracht daa schtaa
die chöi mir nid Ydruck mache
ja die mues mer louffe laa!

Üsi Trachte wei mer trääge
schlüüfit dry öb grooss öb chlyn
eis das möchte i doch no sääge
Tracht isch wie en Heimatschyn

Dänk wie üsi Eidgenosse
kämpft hei für mys Vaterland
drum bin i ou fescht entschlosse
und schtaa tröi zum Trachtegwand!
Franz Stadelmann